HD hefur fengið umboð fyrir sænska tæknifyrirtækið PureSignal, sem sérhæfir sig í háþróuðum lausnum fyrir ástandsvöktun og ástandsdrifið viðhald á vélbúnaði. Með samstarfinu styrkir HD þjónustu sína á sviði gagnadrifinnar ástandsgreiningar, þar sem öflugur tæknigrunnur styður við betri ákvarðanatöku, lægri líftímakostnað búnaðar og minni rekstraráhættu.

HD hefur ráðið Valgeir Pétursson í starf sviðsstjóra nýs tæknisviðs fyrirtækisins. Í nýju skipuriti sameinast tæknideild og ástandsgreiningardeild undir einu öflugu sviði sem mun efla tæknilega forystu HD og styðja við áframhaldandi vöxt og þróun fyrirtækisins.

HD ehf. og ÍSOR hafa undirritað samning við DGDC Ltd. (Dominica Geothermal Development Company Ltd.) um eftirlit með gangsetningu og rekstri 10 MW gufuaflsvirkjunar á Dóminíka í Karíbahafi.

ThinkGeoEnergy, alþjóðlegur vefmiðill og ein helsta upplýsingaveita jarðvarmageirans, hefur birt viðtal við Lýð Skúlason, sérfræðingur í jarðvarmamálum og framkvæmdastjóri orkusviðs HD, þar sem fjallað er um þá uppbyggingu sem HD hefur leitt á sviði viðgerða og þjónustu við túrbínubúnað á Íslandi.

HD óskar HS Orku innilega til hamingju með formlega gangsetningu sjöunda orkuversins í Svartsengi, sem fram fór við hátíðlega athöfn í vikunni. Nýja vélasamstæðan er 55 MW gufuhverfill og sá stærsti sinnar tegundar á Íslandi. Þetta krefjandi og tæknilega umfangsmikla verkefni markar stórt skref í áframhaldandi uppbyggingu og sjálfbærri nýtingu jarðhita á Reykjanesi.