HD hefur ávallt haft sterka tengingu við íslenskan sjávarútveg. Fiskiskipaflotinn hefur gengið í gegnum mikla endurnýjun undanfarin ár og með aukinni tæknivæðingu eru áherslur á viðhaldsþjónustu af fjölbreyttari toga en áður var. Þjónustan þarf sem fyrr að vera vel undirbúin fyrir hverja landlegu og tiltæki bæði varahluta og starfsmanna HD svo að stutt stopp séu vel nýtt til viðhalds og viðgerða.
HD hefur um árabil þjónustað fiskimjölsiðnaðinn með hönnun, stálsmíði og uppsetningu búnaðar og útvegun varahluta m.a. frá Haarslev í Danmörku.
HD í samstarfi við Haarslev býður búnað til fiskimjölsframleiðslu, hvort sem er í skip eða hefðbundna landvinnslu. Starfsstöðvar okkar í Kópavogi, á Akureyri og á Eskifirði hafa sinnt varahluta- og viðhaldsþjónustu fyrir sjávarútveginn. Úrval þjónustu og vöruflokka má sjá nánar hér fyrir neðan.
