HD hefur komið að hönnun og þróun virkjanamannvirkja víðs vegar um landið, hvort sem er á sviði vatnsafls, jarðvarma eða annarra orkugjafa. Við sameinum staðbundna þekkingu og alþjóðlega verkfræðihæfni til að hámarka nýtingu náttúruauðlinda á ábyrgan og sjálfbæran hátt.
HD býður heildstæða véla- og tækniþjónustu fyrir orkuiðnaðinn, þar sem áherslan er á áreiðanlegt viðhald, nákvæmar viðgerðir og öruggan rekstur vélbúnaðar. Við tökum þátt í öllum stigum virkjunarverkefna – frá hugmynd og hönnun til uppsetningar, gangsetningar og daglegs reksturs. Sérþekking okkar nær meðal annars til gufutúrbína, rafala og rótorviðgerða, og í samstarfi við leiðandi sérfræðinga í orkutækni tryggjum við hámarks uppitíma og skilvirka nýtingu búnaðar.
Við sérsníðum þjónustuferla að þörfum hvers viðskiptavinar – hvort sem um er að ræða ástandsgreiningar, innleiðingu viðhaldskerfa eða þrepaskipta rekstrarþjónustu. Markmiðið er skýrt; að tryggja áreiðanlegan rekstur, draga úr rekstrartruflunum og hámarka arðsemi virkjana.
