HD býr að áratuga reynslu í vali og hönnun borholudælna og djúpdælukerfa. Við val á réttum búnaði þarf að taka mið af aðstæðum hverju sinni og má þar meðal annars nefna, dýpi niður á vatnsborð, óskir um afköst, hitastig vökvans, efnisinnihald vökvans og fleiri þætti. HD býður öxuldælur sem hafa sýnt sig og sannað að vera áreiðanlegustu borholudælur sem völ er á fyrir t.a.m. hitaveituvatn. Yfir 120 kerfi öxuldælna frá HD er í daglegum rekstri hér á landi. Við bjóðum einnig sambyggðar djúdælur fyrir heitt og kalt vatn og jarðsjó. Við útvegum breiðan skala af sambyggðum dælum sem henta fyrir minni veitur yfir í afkastamiklar háspenntar dælur með frábæra nýtni og nær ótakmörkuðum dýptarmöguleikum.
