Pumps

HD býr að áratuga reynslu í vali og hönnun borholudælna og djúpdælukerfa. Við val á búnaði er tekið mið af aðstæðum hverju sinni – svo sem dýpi niður á vatnsborð, afkastakröfum, hitastigi og efnisinnihaldi vökvans.

HD býður öxuldælur sem hafa reynst einstaklega áreiðanlegar, sérstaklega í hitaveitukerfum. Yfir 120 slíkar lausnir eru nú í daglegri notkun víðsvegar um landið.

Við bjóðum einnig sambyggðar djúpdælur fyrir heitt og kalt vatn og jarðsjó – allt frá lausnum fyrir minni veitur upp í öflugar háspenntar dælur með mikla nýtni og nánast ótakmarkaða dýptarmöguleika.

Hringrásardælur eru notaðar þar sem tryggja þarf stöðugt flæði í hitakerfum, kælikerfum og öðrum lokuðum hringrásum, bæði með ferskvatni og sjó. Þær henta sérstaklega vel fyrir sjávarútveg, iðnað og veitufyrirtæki þar sem orkunýting og áreiðanleiki skipta máli.

HD býður frá traustum framleiðendum eins og SPP and Calpeda, og veitir faglega ráðgjöf við val og aðlögun að kerfum og rekstraraðstæðum.

Svokallaðar Mono pumps draga nafn sitt af framleiðandanum Mono (NOV Mono) sem er alþjóðlega þekktur framleiðandi. Monodælur eru skrúfudælur sem henta sérstaklega vel til að dæla seigum, föstum eða óhreinum vökvum með stöðugu og stýrðu flæði – þar sem hefðbundnar dælugerðir ráða ekki við verkið.

Monodælur eru mikið notaðar í matvælaiðnaði, fiskeldi, fráveitum, efnavinnslu og orkutengdri starfsemi, m.a. í olíu- og gasiðnaði. Þær eru þekktar fyrir áreiðanleika og góða endingu.

HD er með einkaumboð fyrir Nov Mono á Íslandi og veitir faglega ráðgjöf um útfærslur, efnisval og viðhald í flóknum og krefjandi dæluverkefnum.

HD býður öflugar spjaldadælur frá Haarslev sem eru sérstaklega hannaðar til flutnings á heilum, hökkuðum eða soðnum fiski.

Dælurnar eru sterkar, endingargóðar og sérlega vel til þess fallnar að flytja hráefni með litlu vökvamagni og stórum ögnum. Þær skila stöðugum þrýstingi yfir langar vegalengdir – allt að 200 metra – án þess að fara illa með hráefnið.

Þrjár stærðir eru í boði: HM25, HM35 og HM45, með afköst frá 3 upp í 200 tonn á klukkustund, eftir stærð og snúningshraða. Þrátt fyrir mikla afkastagetu eru dælurnar orkusnauðar og hagkvæmari í rekstri en hefðbundin flutningskerfi.

HD tryggir einnig áreiðanlega þjónustu, með reglulegu birgðahaldi á lykileiningum og slitflötum til að stytta viðgerða- og niðritíma.

HD býður þrepadælur frá ítalska framleiðandanum Calpeda í fjölbreyttum stærðum fyrir margvíslega notkun – allt frá sumarhúsum til skipa og verksmiðja.

Fyrir krefjandi aðstæður í sjávarumhverfi og iðnaði eru dælurnar fáanlegar úr AISI 316 ryðfríu stáli, sem veitir framúrskarandi tæringarvörn og langan líftíma.

Við bjóðum einnig hagkvæmar og áreiðanlegar lausnir fyrir minni kerfi og sumarhús, þar sem einfalt viðhald og stöðugur rekstur skiptir máli.

Ydra, Model K er öflug hökkunardæla sem hentar sérstaklega vel fyrir seiði og lax án forhökkunar. Hjólið er búið sérhönnuðum hnífum sem tryggja skilvirka vinnslu og framleiðslu á hágæða fiskimassa.

Dælan er með samþættri kvörn og hönnuð til að sameina hökkun og flutning, án þess að skemma hráefnið. Þetta gerir hana sérlega hentuga fyrir fiskimjölsvinnslu og aðra vinnsluferla þar sem jafnvægi milli afkasta og mjúkrar meðferðar er lykilatriði.