HD hefur byggt upp tækniþekkingu og státar af sérhæfðum búnaði til sérsmíði vélarhluta. Við notum meðal annars þrívíddarskanna til nákvæmrar uppmælingar á eldri vélahlutum sem eru skemmdir eða þarfnast endurnýjunar. Í mörgum tilfellum velja viðskiptavinir að láta smíða nýjan vélahlut úr slitsterkara efni en upprunalegi hlutinn var gerður úr – sem getur aukið slitþol og lengt líftíma búnaðarins verulega.
Á starfsstöð HD í Kópavogi er fullbúið renniverkstæði með sérhæfðu starfsfólki og nútímalegum búnaði til véla- og íhlutasmíða. Við nýtum okkur einnig traust net reyndra erlendra framleiðenda, sem tryggir bæði hagstæð verð og stuttan afhendingartíma. Ef þess er óskað, er unnt að fá efnisvottorð með vélarhlutum.
