Kröfur um gæði og öryggi hafa aukist verulega á undanförnum árum og fela í sér margvíslegar áskoranir. Þó ýmsar stofnanir sinni hefðbundnu eftirliti, hefur sú þróun orðið að óháðir aðilar sinna í auknum mæli þessu mikilvæga hlutverki. Breytt löggjöf, aukin samkeppni og sífellt meiri krafa um skilvirkt og óháð eftirlit kalla á nýjar vinnuaðferðir og háþróaða tækni.
HD hefur á síðustu árum fest sig í sessi sem traustur aðili á þessu sviði. Starfsfólk fyrirtækisins býr yfir áralangri reynslu í framkvæmd svokallaðra skaðlausra prófana (NDT non destructive testing) – prófana sem gera kleift að kanna ástand og heilbrigði efna og mannvirkja án þess að valda skemmdum eða raska virkni þeirra. Með öðrum orðum eru þetta prófanir þar sem ekki er borað, sagað eða eytt – heldur eru notaðar tækni- og mæliaðferðir til að greina galla eða veikleika með nákvæmni og án inngrips.
HD hefur mikla reynslu af framkvæmd slíkra prófana, meðal annars á skipum, olíutönkum og stálmannvirkjum, þar sem notast er við tækni á borð við hljóðbylgjumælingar og þykktarmælingar
Fyrirtækið vinnur samkvæmt nýjustu stöðlum og kröfum í greininni. Lögð er rík áhersla á fagleg vinnubrögð, gæðatryggðan tækjakost og rekjanleika gagna. Öll skjöl eru skráð rafrænt með skýrum rekjanleika sem stenst strangar öryggiskröfur.
Staðallinn sem leggur grunninn fyrir skaðlausar prófanir er EN ISO 9712 staðalinn. Undanfarin ár hefur starfsfólk fyrirtækisins aflað sér aukinna réttinda og sérhæfingar samkvæmt þessum alþjóðlega staðli. Helstu prófunaraðferðir sem fyrirtækið beitir eru:
HD sameinar trausta þekkingu, vandaðan búnað og sveigjanleika í þjónustu – allt með það að markmiði að tryggja örugga og árangursríka lausn fyrir viðskiptavini sína.
Skaðlausar prófanir hjá HD
Gísli Arnar Guðmundsson
gisli@hd.is
M: 844 0313
Magnetic-Particles Testings eða segulagnaprófun er vel þekkt aðferð innan skaðlausra prófanna enda afar næm. Hún tekur sérstaklega vel á yfirborðssprungum en getur einnig ná c.a. 1-2mm niður í efnið og því greint sprungur undir yfirborði efnisins. HD á allt til segulagnaprófunar og hjá fyrirtækinu leitumst við að þeir aðilar sem vinna við mælingar séu með þjálfun og skírteini í þeirri aðferð sem notuð er.
Penetrant Testings eða litaprófun er þekkt aðferð til sprunguleitunar. Mikið notuð í flugvélaiðnaðinum enda fljótleg en árangursrík. Litaprófið er prófunaraðferð sem ekki eyðileggur yfirborð efnisins. Galdurinn að þessu ferli er háræðaverkun efnisins og framköllunarinnar. Skarpir litir koma fram við framköllun. Prófunin er aðallega notað fyrir málma. Ef það hentar getur litarefnaprófun einnig sýnt galla í plasti og keramik. Það fer eftir yfirborði efnisins hvernig litapróf skal tekið. Engin ein litaprófunaraðferð dugar á alla fleti. HD á allt til litaprófunar og hjá fyrirtækinu leitumst við að þeir aðilar sem vinna við mælingar séu með þjálfun og skírteini í þeirri aðferð sem notuð er.
Ultrasound Inspection eða hljóðbylgjuprófun er ein algengasta aðferð skaðlausra prófana sökum þess hve fljótleg og ódýr hún er. Algengasta aðferðin innan UT eru þykktarmælingarnar en einnig er hún mikið notuð við að ástandsskoða rafsuður. Sprunguleit á boltum eða öxlum með UT er einnig afar öflug aðferð ef finna skal sprungur undir yfirborðinu. HD á allt til hljóðbylguprófunar og hjá fyrirtækinu leitumst við að þeir aðilar sem vinna við mælingar séu með þjálfun og skírteini í þeirri aðferð sem notuð er.
Skip, Olíu og lýsisgeymar þurfa með reglubundnu millibili að ganga í gegnum strangt eftirlit og er þykktarmæling hluti af þeim. HD á nokkra þykktarmæla ásamt kvörðunarblokkum og hjá fyrirtækinu leitumst við að þeir aðilar sem vinna við mælingar séu með þjálfun og skírteini í þeirri aðferð sem notuð er.
Við framkvæmd rafsuðu er ýmislegt sem þarf að hafa í huga. Suðuferli þarf að framfylgja, staðlar, tækni, skírteini, búnaður, teikningar og eftirlit fyrir, á meðan og eftir að rafsuðu líkur. Skoðun ætti ekki bara að fara fram eftir suðu. Skoðun fyrir og meðan á suðu stendur er mikilvæg. En hvað er hægt að skoða ef suða hefur ekki verið framkvæmd? Gátlista þarf að framfylgja og atriðin eru mörg. Flest þessara atriða falla undir ábyrgð suðueftirlitsmanns, en allir ættu auðvitað að taka þátt.
Hjá fyrirtækinu sjáum við til þess að þeir aðilar sem vinna við skoðanir séu með þjálfun og skírteini í þeirri aðferð sem notuð er.
HD eiga búnað til þess að greina efnasamsetningu málma. Tækið byggir á LIBS tækni og getur tækið greint eftirfarandi málma : C, Al, Si, Ti, V, Cr, Mn, Co, Ni, Cu, Nb, Mo, W (kolefni, ál, kísil, títan, vanadín, króm, mangan, kóbolt, nikkel, kopar, níóbín, mólýbden, volfram).
Málmefnagreinirinn nýtist til að:
Tengiliður:
Gísli Arnar Guðmundsson gisli@hd.is
S: 867 0636
