HD veitir alhliða iðn- og tækniþjónustu um allt land, á sviði stálsmíði, vélasmíði og rennismíði. Þjónustuframboð okkar spannar bæði verkstæðisvinnu og vettvangsþjónustu og nær yfir smíði, viðgerðir, ástandsgreiningar, viðhald og þjónustu við flókinn búnað – þar á meðal túrbínur og rafala.
Hjá HD starfar reynslumikill hópur fagmanna, og starfsstöðvar okkar eru vel búnar tækjakosti sem gerir okkur kleift að leysa krefjandi verkefni – hratt, örugglega og af fagmennsku. Við bjóðum sveigjanlega þjónustu um land allt og aðlögum hana að þörfum hvers viðskiptavinar.
Með öflugan grunn og víðtæka tæknikunnáttu vinnum við með gæði, nákvæmni og endingu að leiðarljósi – til að styðja við rekstur, draga úr niðritíma og lengja líftíma búnaðar viðskiptavina okkar.
HD hefur veitt heildstæða dæluþjónustu í nær 30 ár. Sérfræðingar okkar búa yfir mikilli þekkingu og reynslu í að finna hagkvæmustu og áreiðanlegustu lausnirnar – hvort sem um ræðir einfaldar yfirborðsdælur eða flókin djúpdælukerfi.
Renniverkstæði HD er eitt öflugasta á landinu og sérhæfir sig í þjónustuviðgerðum og nýsmíði stakra varahluta. Á verkstæðinu eru bæði tölvustýrðar fræsivélar og rennibekkir, ásamt hefðbundnum vélum sem gera okkur kleift að sinna fjölbreyttum og krefjandi verkefnum við viðgerðir og smíði vélbúnaðar.
HD sérhæfir sig í ryðfrírri lagnasmíði fyrir virkjanir, veitufyrirtæki og matvælaiðnað. Vottaðir suðumenn og rörasuðuróbotar tryggja nákvæmni og afköst. HD er eitt fárra fyrirtækja á Íslandi með alþjóðlega suðuvottun sem tryggir að þjónustan stenst strangar kröfur um gæði, rekjanleika, öryggi og samþykktir.
Kröfur um gæði og öryggi hafa aukist verulega á síðustu árum og kalla á nýjar vinnuaðferðir og tækni. Sífellt algengara er að óháðir aðilar sinni eftirliti sem áður var á höndum stofnana, sem tryggir áreiðanlegt og skilvirkt mat á ástandi búnaðar og mannvirkja.
Flestar okkar starfsstöðvar hafi aðstöðu til þess að þjónusta vökvatjakka, þó er starfsstöð okkar í Kópavogi með sérhæft tjakkaverkstæði. Þar fer saman mikil þekking og áralöng reynsla á nýsmíði, endurhönnun, endursmíði og viðhaldi vökvatjakka sem og lofttjakka. Reynsla starfsmanna félagsins er lykillinn að því að viðskipta vinir okkar fái þá vöru sem þeir þurfa. Þessi þekking og reynsla skiptir sköpum við efnisval eins og hitaþolin þétti og smíðaefni sem notuð eru. HD hefur þjónustað vökvatjakka fyrir íslenska skipaflotann, stóriðju, flutningsgeirann og matvælaiðnað til langs tíma.
Ástandsgreiningar hafa tekið miklum framförum á undanförnum árum og gegna nú lykilhlutverki í viðhaldsrekstri. Með hraðari nettengingum (IoT) og þróuðum mælibúnaði er hægt að fylgjast stöðugt með þáttum eins og flæði, aflnotkun og titringi í vélbúnaði. Þannig má greina snemma merki um minnkandi nýtni og grípa til ráðstafana áður en bilun verður og veldur kostnaðarsömum rekstrarstöðvunum eða tjóni.
Plötusmíði er ein af grunnstoðum HD og býr fyrirtækið yfir mikilli reynslu og þekkingu í hefðbundinni stálsmíði. HD getur veitt heildstæða þjónustu í plötusmíði á verkstæðum sínum á Grundartanga, Akureyri, Eskifirði og í Kópavogi. Verkstæðið í Kópavogi er með mikla lofthæð og sérstaklega útbúið fyrir umfangsmikil og krefjandi plötusmíðaverkefni.
HD hefur byggt upp öfluga tækniþekkingu og sérhæfðan búnað til sérsmíði vélarhluta. Með notkun þrívíddarskanna getum við mælt upp eldri eða skemmda vélahluti og hannað nákvæma endurgerð eða endurbættan hluta.
Viðskiptavinir velja oft að láta framleiða nýja hluti úr slitsterkari efnum en upprunalegir voru smíðaðir úr, sem eykur slitþol og lengir líftíma véla. Þannig nýtist sérsmíði HD bæði til viðgerða, endurnýjunar og til að bæta frammistöðu búnaðar í krefjandi rekstri.
HD býr yfir viðamikilli tækniþekkingu á sviði málmiðnaðar og vélbúnaðar og þjónustar allar greinar iðnaðar. Hjá félaginu liggur sérhæfð tækniþekking á borholudælum og útreikningum fyrir þann búnað. HD hefur aflað með reynslu og hæfu starfsfólki einstaka þekkingu við hönnun og undirbúning á viðhaldi rafala í gufuaflsvirkjunum.
