Starfsemi HD í Mosfellsbæ hefur vaxið hratt frá því núverandi húsnæði var tekið í notkun árið 2020, og með tímanum hefur þróast lykilþjónustumiðstöð fyrir virkjana- og veitufyrirtæki á Íslandi.
Á verkstæðinu sinnir sérhæft teymi viðhaldi og uppgerðum á djúpdælubúnaði fyrir hitaveitur. Smíði og vinna með ryðfríar stálpípur er stór þáttur í starfseminni, þar sem unnið er eftir vottuðum suðuferlum. Þá hefur einnig byggst upp mikil sérfræðiþekking í viðgerðum á jarðgufuhverflum (rótorum) og rafölum virkjana.
Jafnframt starfar hér öflugt teymi sérfræðinga sem er sérhæft í ástandsgreiningum, fyrirbyggjandi viðhaldi og sívöktun vélbúnaðar. Við bjóðum upp á sérhæfða tækniþjónustu með áherslu á greiningu á slitmynstri, bilanaskráningu og stöðuga vöktun véla- og orkukerfa. Starfsemin í Mosfellsbæ byggir á skýrri áherslu á græna orku, og hefur sérhæfing okkar þróast í takt við vaxandi þarfir á því sviði. Viðskiptavinir okkar starfa m.a. við rekstur hitaveitna, jarðvarma- og vatnsaflsvirkjana, fráveitukerfa og CO₂-fangara.
Við leggjum ríka áherslu á að bjóða heildarlausnir á véla- og tæknisviði – ásamt fjölbreyttu vöruúrvali innflutts vélbúnaðar sem hefur vaxið samhliða aukinni sérþekkingu okkar á rekstri virkjana og veitufyrirtækja. Hér fyrir neðan má sjá helstu þjónustuflokka sem starfsemin í Mosfellsbæ beinist að. Nánari upplýsingar um vöruflokkana má finna undir valmyndinni Vörur.
Tæknisölusvið og verkstæði okkar hefur eftirfarandi opnunartíma :
Mánudaga -fimmtudaga kl 08:15 – 16:15
Föstudaga kl 08:15 – 15:15
