Reglulegar þykktarmælingar eru lykilþáttur í öryggiseftirliti skipa og veita skýra mynd af ástandi stálskrokks og burðarvirkja. Slíkar mælingar eru í mörgum tilvikum hluti af lögbundnum skoðunum skipa og framkvæmdar samkvæmt kröfum eftirlitsaðila og flokkunarfélaga.
Tæring og slit í stálvirkjum þróast oft hægt og eru ekki alltaf sýnileg með berum augum. Með þykktarmælingum er hægt að greina breytingar í efnisþykkt tímanlega og taka upplýstar ákvarðanir um viðhald og endurbætur áður en vandamál verða alvarleg.
HD hefur á undanförnum árum byggt upp sterka sérhæfingu í þykktarmælingum skipa hér á landi. Með vottaðri sérfræðiþekkingu og sérhæfðum mælibúnaði getur fyrirtækið metið ástand stálvirkja skipa með mikilli nákvæmni – án þess að raska rekstri eða skemma búnað.
„Þykktarmælingar eru eitt mikilvægasta verkfærið til að fylgjast með tæringu og sliti í stálskrokk skipa. Með reglulegum mælingum geta útgerðir tekið upplýstar ákvarðanir um viðhald og lengt líftíma skipa,“ segir Gísli Guðmundsson, sérfræðingur í ástandsgreiningum hjá HD.
Starfsfólk HD starfar samkvæmt alþjóðlega staðlinum EN ISO 9712, sem setur strangar kröfur um þjálfun og hæfni þeirra sem framkvæma skaðlausar prófanir (NDT). Þykktarmælingar eru framkvæmdar í samræmi við kröfur helstu flokkunarfélaga, meðal annars Bureau Veritas og DNV (Det Norske Veritas), sem tryggir að niðurstöður uppfylli alþjóðlegar kröfur um gæði, öryggi og rekjanleika.
HD hefur sinnt þykktarmælingum á fjölbreyttum skipum, flotbúnaði og stálmannvirkjum og vinnur náið með útgerðum, tæknistjórum og slippum við skipulagningu mælinga. Oft eru mælingar framkvæmdar samhliða slipptöku til að lágmarka áhrif á rekstur.
Sambland sérhæfðrar þekkingar, vottaðs starfsfólks og nútímalegs búnaðar gerir HD að sterkum samstarfsaðila fyrir útgerðir sem vilja hafa skýra mynd af ástandi skipa sinna og taka upplýstar ákvarðanir um viðhald og endurnýjun.
Sjá nánar um þykktarmælingar HÉR.
Útgerðir og rekstraraðilar sem vilja fá skýra mynd af ástandi skipa sinna eða uppfylla kröfur eftirlitsaðila, geta haft samband við sérfræðinga HD (astandsgreiningar@hd.is)
Vottaðar þykktarmælingar eru lykilþáttur í öryggiseftirliti skipa og hjálpa útgerðum að greina slit og tæringu áður en vandamál verða kostnaðarsöm.
