HD býður öflugar og sérsniðnar lausnir til ástandsgreiningar og vöktunar á vélbúnaði og mannvirkjum með það að markmiði að tryggja rekstraröryggi, lengja líftíma búnaðar og lágmarka óvæntar truflanir.
Þróun í gagnaöflun og rauntímaúrvinnslu (IoT) gerir okkur kleift að fylgjast náið með ástandi vélasamstæða og grípa til aðgerða áður en bilun á sér stað. Með notkun háþróaðrar tækni, gervigreindar og gagnadrifinnar ráðgjafar greinum við frávik snemma og styðjum við markvissar viðhaldsákvarðanir. Reglubundnar mælingar og sívöktun gera okkur kleift að forgangsraða aðgerðum og skila skýrum, aðgerðarhæfum niðurstöðum sem veita betri yfirsýn og öruggari rekstur.
Frekari greiningar geta verið sérhæfðar og ná meðal annars yfir; titringsgreiningu, hitamyndun, hátíðnigreiningu, 3D skönnun iðnaðarrýma, laserafréttingu, efnisgreiningar, rótargreiningar og faglegt suðueftirlit. Lausnirnar eru sveigjanlegar og aðlagaðar að þörfum hvers verkefnis, hvort sem um er að ræða tímabundna vöktun eða samþættingu við innra viðhaldskerfi fyrirtækja.
Með HD færðu aðgang að víðtækri reynslu, sérþekkingu og nútímalegri tækni sem styður öruggan, hagkvæman og gagnadrifinn rekstur.
Dæmi um algeng frávik:
Contact:
Gísli Arnar Guðmundsson
gisli@hd.is
M: +354 844 0313
Með hitamyndavél má greina geislun frá yfirborði íhluta og birta hana í myndrænni framsetningu sem veitir skýra yfirsýn yfir möguleg frávik. Aðferðin nýtist sérstaklega vel til að greina óeðlilega hitamyndun í rafbúnaði, vélasamstæðum og tengingum.
Mikilvægt er þó að hafa í huga að hitamyndir sýna eingöngu geislun frá yfirborði – til dæmis er ekki hægt að mynda rafbúnað í gegnum gler, þar sem aðeins sést geislunin frá glerinu sjálfu.
Notagildi hitamyndavéla er víðtækt. Þær geta leitt í ljós frávik sem tengjast núningsflötum, lausum tengingum, ójafnri hleðslu eða öðrum skemmdum sem eru ekki sýnilegar með berum augum. Hitamyndun veitir einnig góða innsýn í ástand mótortenginga, rofa, tengiskápa og annarra rafíhluta.
Starfsmenn HD eru vottaðir í hitamyndun (thermography), Category 1 og 2.
Titringsmælingar eru ein skilvirkasta leiðin til að greina ástand snúningsbúnaðar. Gögn úr mælum eru greind í sérhæfðum hugbúnaði þar sem hægt er að bera saman tíðnimynstur og greina hvort frávik bendi til bilana, t.d. í legum eða öxlum.
Með reglulegum mælingum eða sívöktun er hægt að bregðast við áður en bilun veldur stöðvun eða tjóni.
HD býður upp á bæði reglubundnar mælingar og nettengdan sívöktunarbúnað.
Starfsmenn HD eru vottaðir samkvæmt ISO 18436-2 í Vibration Analysis.
HD býr yfir háþróuðu LIBS málmgreiningartæki sem greinir málma á borð við; kolefni (C), ál (Al), kísil (Si), títan (Ti), vandín (V), króm (Cr), mangan (Mn), kóbolt (Co), nikkel (Ni), kopar (Cu), níbóbín (Nb), mólýbden (Mo), volfram (W).
Málmefnagreining nýtist m.a. til að:
Contact:
Illugi Njálsson
illugi@hd.is
S: 867-0636
HD býður upp á sívöktun með IoT lausnum þar sem hröðunarnemar safna gögnum um titring og hitastig í rauntíma. Gögnin eru aðgengileg í vafra og snjalltækjum og skila bæði núverandi stöðu og sögu mælinga frá því búnaðurinn var settur upp.
Sívöktun veitir rekstraraðilum betri yfirsýn, hraðari viðbrögð og dregur úr líkum á óvæntum bilunum.
Airborne Ultrasound er notað til að nema háa tíðni sem gefur vísbendingu um fyrstu merki bilana, sérstaklega í legum, dælum og lokuðum rýmum.
Aðferðin nýtist einnig til að greina loft- og vökvaleka, t.d. í háværum vélasölum og frárennsliskerfum vatnsaflsvirkjana.
Starfsmenn HD eru vottaðir í Airborne Ultrasound, Level 1 og 2.
HD býður upp á nákvæma þrívíddarskönnun með hátækniskanna sem mælir allt að 1,3 milljón mælipunkta á sekúndu með nákvæmni upp á ±0,02 mm. Skanninn hentar sérstaklega vel til að skanna óreglulega íhluti á stuttum tíma og veitir mjög nákvæmar niðurstöður.
Út frá skönnunargögnum er hægt að búa til heilstætt þrívítt líkan (solid model) sem nýtist í teikningasett, hönnunarskjölum eða til framleiðslu á íhlutum. Skanninn getur einnig borið saman tvo hluti og greint nákvæman mun á milli þeirra – gagnlegt við gæðaeftirlit, endurhönnun eða viðgerðir.
Contact
Illugi Njálsson
illugi@hd.is
M: +354 867 0636
HD býður upp á snjalla ástandsgreiningu með búnaði sem greinir rafmerki frá mótorum og rafölum. Aðferðin byggir á því að fylgjast með raforkunotkun í rauntíma og greina frávik í hegðun án þess að þurfa hefðbundnar titringsmælingar eða viðveru starfsfólks.
Kerfið lærir eðlilega virkni vélbúnaðarins og nemur sjálfkrafa ef afbrigði koma fram, svo sem ójafnvægi, misstillingar eða slit. Það getur bent nákvæmlega á hvar frávik eiga sér stað og hvað þarf að skoða nánar. Með þessari aðferð er einnig hægt að greina orkusóun vegna bilana – til dæmis getur ójafnvægi leitt til aukinnar orkunotkunar og hærri rekstrarkostnaðar.
Contact:
Róbert Svansson
roberts@hd.is
S: 864 5441
