Starfsmenn HD tókust nýverið á við netsvikaáskorunina Arion Escape – fræðsluverkefni Arion banka sem vekur athygli á sívaxandi hættu netsvika. Starfsmenn á fjármálasviði tóku þátt fyrir hönd HD og fengu þar tækifæri til að kynnast aðferðum netsvikara á lifandi og áhrifaríkan hátt.
Í verkefninu setja þátttakendur sig í spor svikara sem reyna að svíkja stórar fjárhæðir út úr fyrirtæki. Með því að hugsa eins og svikari öðlast þeir dýpri skilning á hvernig svik eru skipulögð og hvaða hættumerki ber að varast. Verkefnið sameinar fræðslu og hópefli og minnir á mikilvægi þess að vera stöðugt á varðbergi í stafrænum samskiptum.
Við hjá HD leggjum mikla áherslu á öryggi í allri okkar starfsemi og teljum þátttöku í verkefnum sem þessum lykilatriði í að efla netvitund starfsfólks. Þegar kemur að netsvikum getur það skipt sköpum að þekkja viðvörunarmerkin – og hugsa sig tvisvar um. Allir geta lent í svikum, en með aukinni meðvitund eykst öryggið til muna.
Við þökkum Arion banka fyrir frábært framtak!
Fjármáladeild HD – vel undirbúin til að takast á við netsvik.
