Blásarar og viftur eru oft lykilbúnaður framleiðsluferla og geta haft bein áhrif á bæði afköst og öryggi. Þegar allt gengur vel sér búnaðurinn um stöðugt loftflæði og áreiðanlega kælingu – en þegar vandamál koma upp geta afleiðingarnar orðið kostnaðarsamar.
Vandinn er sá að slíkur búnaður vinnur oft við háan hita, ryk, óhreinindi og mikið álag. Þetta hraðar sliti og eykur líkur á bilunum sem fyrst birtast sem smávægileg frávik en geta fljótt magnast upp í alvarlegar bilanir eða algjöra stöðvun framleiðslunnar.
Lausnin – Snjallara viðhald
Þegar bilanir eru greindar of seint er tjónið oft orðið mikið – bæði í vélbúnaði og í framleiðslugetu. Lausnin er því að grípa inn í áður en smávægileg merki magnast upp í stórt vandamál.
Ástandsgreint viðhald með þráðlausum IoT-nemum (Internet of Things) gerir fyrirtækjum kleift að fylgjast með lykilbreytum eins og titringi, hita og orkunotkun í rauntíma. Nemarnir senda gögn í greiningarkerfi sem birtir frávik og gerir kleift að grípa inn í tímanlega. Þannig má greina vandamál eins og leguslit, ójafnvægi, lausar festingar, ofhitnun mótora eða sprungur í íhlutum – áður en þau þróast í kostnaðarsamar bilanir eða framleiðslustopp.
„Við sjáum það aftur og aftur að smávægileg merki eins og titringur eða ójafnvægi geta þróast yfir í afar kostnaðarsamar bilanir. Með þráðlausum IoT-nemum fá fyrirtæki einfalt og áreiðanlegt verkfæri til að greina slíkt á réttum tíma – áður en vandinn magnast upp“ – segir Gísli Arnar Guðmundsson, sviðsstjóri ástandsgreininga hjá HD.
Einföld lausn frá HD
Hjá HD bjóðum við þráðlausa nema frá norska fyrirtækinu El-Watch AS, sem er leiðandi á sínu sviði og með þúsundir notenda víða um heim. Nemarnir henta öllum iðnaði, eru hraðvirkir í uppsetningu, einfaldir í notkun og skila áreiðanlegum mælingum sem styðja öruggan og hagkvæman rekstur.
Með einfaldri vöktun geta viðskiptavinir okkar komið í veg fyrir kostnaðarsamar bilanir, aukið rekstraröryggi og lengt líftíma búnaðar – allt með einföldu og sveigjanlegu kerfi sem nýtir nýjustu IoT-tækni.
Hafðu samband við sérfræðing okkar, Gísla Arnar Guðmundsson (gisli@hd.is) og tryggðu meiri áreiðanleika í þínum rekstri!
Þráðlausir IoT-nemar: Einfalt og áreiðanlegt verkfæri til að greina bilanir áður en vandinn magnast upp!
