Tæknimaður/kona á tæknisviði

Vegna mikilla anna og nýrra, spennandi verkefna leitum við að liðsfélaga til að styrkja öflugt teymi okkar á tæknisviði. Starfið felur í sér víðtæka þjónustu við viðskiptavini HD auk þess að sinna fjölbreyttum verkefnum á tæknisviði fyrirtækisins.

Hjá HD starfar samheldið teymi að fjölbreyttum verkefnum – allt frá hönnun og teiknivinnu til smíði og þjónustu fyrir viðskiptavini. Ef þú hefur áhuga á tækni og málmiðnaði, ert lausnamiðuð/lausnamiðaður og nýtur þess að takast á við nýjar áskoranir, þá viljum við heyra frá þér! Þú færð tækifæri til að vinna með frábæru fólki, taka þátt í fjölbreyttum verkefnum og þróast í starfi hjá traustu og framsæknu fyrirtæki.

Góð þekking á sviði málmiðnaðar er kostur – en við hvetjum einnig þá sem eru að stíga sín fyrstu skref til að sækja um!

Helstu verkefni og ábyrgð

• Samskipti og þjónusta við viðskiptavini HD
• Verkefni á tæknisviði, s.s. hönnunar-, tækni- og teiknivinna
• Tilboðsgerð, eftirlit með verkefnum og verkefnastýring
• Uppbygging og viðhald viðskiptasambanda
• Heimsóknir til viðskiptavina

Menntunar- og hæfniskröfur

• Véltæknifræði, véliðnfræði- eða verkfræðimenntun. Vélstjórar sem uppfylla hæfniskröfur eru einnig hvattir til að sækja um.
• Góð reynsla og þekking á faginu æskileg en fólk með minni reynslu er einnig hvatt til að sækja um
• Iðnmenntun er mikill kostur
• Hæfni í mannlegum samskiptum
• Öguð vinnubrögð og gott skipulag
• Góð þekking á MS Office (Excel, Word og jafnvel MS project)
• Góð þekking á notkun AutoDesk teikni- og hönnunarforrita
• Gott vald á ensku, bæði töluðu og rituðu máli er mikill kostur

Um er að ræða fullt starf

Nánari upplýsingar veitir tæknistjóri, Arnar G. Guðmundsson, arnar@hd.is